الكويت: تكريم معهد محمد السادس للقراءات والدراسات القرآنية كأفضل جهة قرآنية بالعالم الإسلامي
أكورا بريس بعد مشاركتها في برنامج نقاش 'المؤخرات' ضد الشيخ سار…زهور تتعرض للضرب و التحرش في الشارع و هذا ما كتبته '' زهور '' على حائط صفحتها على الفيسبوك، ننقله لكم كما هو دون تغيير او تعديل :
أول نتائج فيديو الشيح سار، ومشاركتي في جينيراسيون نيوز… أني اليوم ودابا بالضبط خارجة نقضي شغلي في شارع فال ولد عمير تعرضت لتحرش جنسي لمسي واعتداء جسدي، وتعنيف…
طالعة في الشارع والمجرم هابط شافني وشفتو مزيان وعاقلة عليه مزيان، كملت طريقي وأنا شوية نسمع شي حد كيعيط لي "زهور" درت نشوف ليقت نفس الشخص مع صاحبو عيط ودور وجهو باش يتأكد أني أنا هي " زهور" … شوية
وهو يجي من اللور جمع معايا بضربة حتى قربت نطيح وشدها بجرية على طول الشارع …
لحمي باقي حمر من اثار الضربة، وباقي الصوت ديالها كيتسمع، وباقي جوه الناس اللي غادا وجايا وممسوقلي تا واحد في بالي، باقي عاقلة على وجهو مزيان وكان قوليه إذا شافتك راه غادي ندمك على النهار الي خلاقيتي فيه، وأنا متأكدة أنه كيقرا هادشي وبغيت نقوليه ملي نتا راجل لاش ضربتيني وهربتيني بقا في بلاصتك وتحمل مسؤوليتك، وبغيتي نقوليك أنه ضربني وعاود ضربني وزيد ضربني غادي نعاود نخرج نقضي شغلي في نفس البلاصة، بنفس اللباس، وماغاديش نهرب من الشارع، وماغاديش نخليهليك وماغاديش نتكمش في الدار…
باقي عاقلة على اللحظة مزيان فاش دارت بيا الأرض، باقي ابتسامات الشماتة ديال الناس في راسي، باقي الضحكات الاستهزائية ديالهوم في بالي، باقي كولشي في بالي… وخصوصا وجهو باقي عاقلة عليه مزيان وفين مانتفكرو غادي نقوليه شكرا يوم بعد يوم كتأكدلي أنه خاصني نفرض عليك راسي في الشارع بالطريقة اللي بغيت
كنحس بالغضب، بالحكرة، بالشمتة، بالضعف، بالوحدة وبالوسخ من ديك اليد ديالو اللي تحطات عليا
كنحس بداكشي اللي تا شي واحد مكيحس بيه
